ПОЕЗИЈАТА ИМА МОЌ ДА ИНСПИРИРА

Поезијата има моќ да инспирира, да направи промени во нечиј живот како ниедна друга уметничка форма. Поезијата е како најубава уметничка слика во зборови, стихови кои произлегуваат од душата на поетот и го разоткриваат сето она што некој го доживел, доживува или сака да му даде нова дименизија на настаните. Поезијата е одлична во поставување прашања, дестабилизирање и терање на човекот да ги гледа работите на поинаков начин, инкорпорирајќи разновидност на гласови на начини на размислување. Поезијата може да обезбеди јасен израз на емоции во тешки и напорни моменти.

Во учењето на креативно пишување се зборува за учениците кои треба „да си го пронајдат својот глас“ и најдобрите песни кои се читаат се напишани со токму тој глас на писателот. Тоа е затоа што поезијата, за писателот и читателот, има голема важност.

Постои мистериозна особина кај некого која го тера да создаде нешто убаво, вистинито, оригинално. Тоа го прави умешно користејќи ги алатките на уметничката форма, отворајќи се себеси за да донесете вистинска магија. Тоа е уметност. За тоа како да се направи песна, што е строфа и метафора, како функционираат прекините на линијата, различните ефекти создадени од долги или кратки редови, рима или не - ова се само неколку од безбројните елементи на занаетот.

Мајсторството е патување, а не дестинација

Поезијата е отпор, потсетник, чувар на духовните вредности, пламен кој полека но сигурно ги грее срцата на читатетлот, влева надеж. За да се созададе песна, потребно е човек да го поседува тој дар во себе. Пишувањето поезија доаѓа од душата, тоа е текст кој со многу малку зборови кажува многу, ја пренесува пораката и човек го обзема милост кога ќе осети дека научил или се поттикнал од тие куси стихови. 

АВСТРИСКИОТ ЦАР ЛЕОПОЛД ЗА МАКЕДОНИЈА

 Историја

Австрискиот Цар, Леополд први. уште пред повеќе од 300 години не само што го спомнува македонскиот народ како посебен на Балканот туку и јавно прокламирал дека го става под своја заштита.
На 6 април 1690 година, Цар Леополд објавил Манифест и им се обратил на сите народи и земји на Балканот. Во Манифестот пишувало - ги повикувам сите народи, населени низ Албанија, Сербија, Мизија, Бугарија, Силистрија, Илирија, Македонија, Рашка, кои стенкаат под турскиот јарем, да одговорат на нашата побожна и татковска желба..да преминат сите на наша страна и да заземат оружје против Турците, за спас и ослободување и за напредок на хриситијанската религија.
Дваесетина дена подоцна,, на 26 април 1690 година, Царот Леополд, издаде Заштитно писмо (напишано на латински како и манифест) во кое тој конкретно се обраќа до Македонците.

АРИСТОТЕЛ ВО ПЕЛА

 Пишува: Ванѓелко Лозаноски 

Историја

Филип и Аристотел биле познаници пред Аристотел да е назначен за учител во Пела. Во кралскит двор се чувствувал како во неговиот роден дом, зашто татко му му бил лекар на кралот. Филип како крал, колку и да бил поплавен од раководење на државата, најдувал време да се сретне со Аристотел, од кого можел нешто да научи за политиката, водењето на државата, зашто дотогаш светот немал таков човек дар од науката.

И кралот македонски Филип и светскиот научник Аристотел имале големи идеали. Филип мислел да го освои светот, а Аристотел светот да го зголеми со низа науки. Нивните дискусии имале космички димензии. Филип помагал со средства за реформа на образованието во Македонија, а Аристотел го подготвувал својот тим за реформите да бидат успешни.
Архелај уште со преселбта на престолнината во Пела, во новата кралска престолнина се вселија учители, поети, уметници, културни дејци итн. Во таа културно - просветна кралска екипа беше македонскиот поет Аррибаиос, кој ги постави темелите на македонската поетска школа, која се надоврза на народното македонско поетско творештво. Филип располагаше со своја екипа од учители, културни дејци и уметници.
Аристотел во кралскиот двор најде образован кадар, којшто со негови подготовки беше солиден НАСТАВЕН КАДАР, кој може да го подигне образованието во главниот град на повисоко ниво за да се основа високата ШКОЛА- ПЕЛА.

Аристотел на школата Пела и дал нови размери на образовниот и воспитниот процес. А воедно ги проширил наставните предмети од општествеените и природните науки Филозофија, логика, зоологија, психологија, биологија, космологија, антропологија, етнологија, географија, картографија, астрономија, математика, аритметика, лингвистика, литературата, итн.

За ново воведените предмети требало да се напишат учебници, да се даде помошна литература, наставни средства и помагала. Аристотел за таа цел образувал тим од над 40 негови истакнати ученици. А со тек на времето, тие стануваат негови соработници: учители, препишувачи, преведувачи на книги, и воспитувачи. Во таа група имало вредни таленти кои упорно го следеле неговиот пат. Благодарение на неговите соработници, Аристотел успеал да продре во низа науки, да напише многу книги од кои светската наука со векови се напојувала. Да заклучиме дека: Аристотел твори заедно со неговите блиски соработници и творци над една деценија во школата Пела.
Пред походот за Азија и Африка, во библиотеките на Пела и во малото место Миези, во внатрешноста на Македонија, во градот Нимфеон, се преведуваа и препишуваа низа дела корисни за светската литература, медицина, култура и наука. Од Македонија патуваа заедно со фалангата патуваа заедно лекари, политичари, поети, архитекти, уметници, музичари, градежници, вајари, ликовни уметници, резбари итн. Се ширеше македонскиот јазик, писмо, култура и наука во новоосвоените земји. Се градеа мостови, населби и графови.

ЗАЛОГ ЗА СЛОБОДА НА МАКЕДОНИЈА

 Извадок

“ Есента 1894 година во Штип, каде бил учител Даме Груев, пристигнале Гоце Делчев и неговиот другар туше Делииванов. Уште со своето пристигнување Гоце внел нов дух и нов живот во развитокот на револуционерното движење. Тој го раширил кругот на учесниците во револуционерните групи, откако привлекол сиромашни еснафи и работници од маалото Ново Село, во кое тој бил учител, а исто така и селани од целата штипска околија. Секоја саботна вечер тој излегуваше од Штип, преправен или не, и се враќаше в недела навечер или в понеделник наутро...со доаѓањето на Гоце се изменил карактерот на организацијата. Скриената, конспиративна дејност на дотогашните мали групички, тој ја преобразил во пирока илегална дејност. Надарен со здрав национален усет, Гоце јасно согледал дека во единството на сите Македонци лежи залогот за слободата на Македонија како самостојна политичка единица. Пред неговата убедлива проповед во името на заедничкиот идеал, исчезнуваа вештачки создадените национални непријателства “

 (Евтимов Дим. П: Делото на Гоце Делчев“. Во името на идејата “Македонија на Македонците“ голем број од припадниците на етничките групи ја поддржале Организацијата. Во Западна Македонија Гоце бил пречекуван како посакуван гостин и од гркоманите и од бугароманите и од србоманите и од Власите.

ОКТОМВРИСКИ ПЛАМЕН

Автор: Гордана Димовска

 Се разгори нов пламен, Илинден трет

“Доста се маки и страдања

Да го истераме окупаторот клет.”

 Блесна, поведе борци

Кон нов симбол на слободата,

Храбри и силни,

Со љубов исполнети срца  и лица нивни.

 

Војникот оди напред и вее алово знаме,

Ги поведе сите на борбениот фронт со завет

За конечна слобода на македонскиот народ,

Во која секој ќе се радува и слободно ќе живеe.

Рамо до рамо со сојузници силни

Се бора смело, живот не жалеа за Македонија земја света

Се роди нов Илинден како оној од 1903-та.

Редици во недоглед, стоилјадни чети

Ја продолжија борбата за идеалите свети.

ПРОМОЦИЈА НА ДВЕ КНИГИ ОД ЈАГОДА ЗДРАВЕСКА - КОТЕСКА

Македонското литературно друштво Кочо Рацин - Мелбурн ќе одржи промоција за две книги од Јагода Здравеска Котеска. Романот Љубов по слика и биографско-етнографската сторија Велика. Промоцијата ќе се одржи на 19 ноември во просториите на Yarra Plenty Regional Library (YPRL) - Mill Park Library од 14.30 - 16.30.

Настан кој посетителите ќе имаат можност да дознаат повеќе за овие две најнови дела на Јагода Здравеска - Котеска и да си набават примерок од книгите.  Во романот преовладува тема од печалбарскиот живот на Македонците пред тргнување од родните огништа и по стигнувањето во новата земја во која се соочуваат со носталгија, осаменост, адаптирање на новиот живот. Преку ликовите во романот се отсликува мачната историја на македонскиот народ, страдањата, последиците од војната. Нејзината приказна се простира на 786 страници. 

Книга Велика - Низ оваа етнографска сторија опишани се многу елементи од животот и обичаите на семејството на нашата мајка и воедно на жителите од селата од пелагонискиот крај.

Ова дело е вистинско македонско етнографско богатство и ќе биде од голем интерес не само на семејството, потомците и роднините на нашата мајка, туку за сите македонци ширум светот кои сакаат да се запознаат и да научат нешто повеќе за македонската култура од прва рака. 

Дојдете и откриете го богатството кое се крие во овие две книги. 

Промотори: Гордана Димовска и Крсте Наумовски - Мечкар

Читање на извадоци од книгите - Снежана Џамбазова Попорданова и Лидија Стојаноска

Музика - Ромео Макачовски - вокално  инструментален солист на македонска староградска и забавна музика.

Влезот е слободен. Повелете, ве очекуваме.

НОВЕ МЛАДЕНОВСКИ ЗА НАЈНОВОТО ДЕЛО 'РАСЧЕРЕЧЕНИ ДУШИ МАКЕДОНСКИ"

 

"И не само што на повеќето ликови во расказите им се черечи душата,  се черечи и мојата душа. Под притисок на годините носталгијата се почесто извира од потсвеста и се вгнездува во мислите, чепка по емоциите и ги исполнува соништата. - Нове Младеновски 

Класичната Австралијска печалбарска шема “одам на неколку години, ќе спечалам пари и ќе се вратам во Татковината“ одамна е исчезната. И тие што планирале да останат само неколку години и оние што мислеле да останат подолго време, скоро сите останале за секогаш. Низ времето печалбарската приказна се трансформира во современа емигрантска приказна.

Првите неколку имигрантски години, по почетните културолошки, јазични и финансиски шокови, се години на учење на правилата на системот, учење на Англискиот јазик, пронаоѓање на нови пријатели, отпочнување на нов социјален живот, барање работа, барање сместување, и уште многу ситни и крупни нешта. По овој период настапува рутина - на работа па дома. Утредента, пак исто дома па на работа, и така во недоглед. Во меѓувреме си правите планови за иднината на семејството. 

ЛИТЕРАТУРНО ЧИТАЊЕ ВО ПАРК

Македонското литературно друштво Кочо Рацин, Мелбурн организира литературно читање на 26.3.2022 со почеток во 17.00-19.00 часот во паркот Тhomastown Main st Reserve Walk, на адреса 52 Main st Thomastown.Читањето на литературни дела во публика е значајно за оживување и одржување на ова уметничко јазично творештво на еден народ.

Можете да се пријавите за читање до 25.3.2022 на телефон 0423 496 821.

Придружете ни се.

ПРОЧКА

Многу музика, многу радост

Кога сте кај нас на гости,

Полно е срцето со среќа

Денес е Прочка ако згрешив Прости.

Кажавте во еден глас внучиња наши,

Прости ни изговорија усните ваши.

 

КОГА СИ СТАР

Сонуваш за нежниот изглед,

За убавите очи

Што еднаш беа.

За брзата младост,

Безгрижна и мила.

За големата љубов,

За љубовта лажна.

Со тажен мрмор

Лицето го криеш,

Пред младоста побегната,

Пред телото без сила.

Кога си стар,

Годините се сиви.

Деновите во молба;

Да сме здрави,

Да сме живи.

Автор: Љубица Пулевски

(Член на МЛД Кочо Рацин, Мелбурн)

2

ТЕШКО ВРЕМЕ

Кој би помислил

На вакво тешко време.

Корења откорнуваат,

Цвеќиња овенуваат.

И после толку убивања

Нудат убедувања,

Дека цунамито

Мириса на роси,

Иако сѐ живо коси.

Вие правите чуда,

Господари на моќта.

Автор: Љубица Пулевски

(Член на МЛД Кочо Рацин, Мелбурн)