УМЕТНОСТ

Што значи зборот уметност. Во есејот „Немаме од што да се плашиме, но...“ од 1961 година, италијанскиот писател Еуџенио Монтале вели дека под уметничко дело се подразбира секој израз што е конкретизиризан во некој предмет што предизвикува естетско задоволство и што е намерно изработен за таа цел. Најприфатлива дефиниција за поимот уметност е човекочкото творење, човековите креативни дејствија.

 Уме – умеење, познавање на вештини и занаети, одраз на убавото. Во денешно време уметноста се гледа како да е луксуз кој служи само да се промовира во уметничи салони. Луѓето и во праисторијата создавале неверојатни уметнички дела и никогаш не го сфаќале тоа така. Уметност е кога таа допира до сетилата на човекот и без да бидат признати авторите како уметници.

Абориџините како австралиско домородно население, сликале на кора од дрво, на ткаенини и платно и тоа во пустините.  Нивната традиција се смета за најстара во светот а нивните уметнички изразувања започнале уште пред 30 000 години.

Поимот поезија (создавање) е дефиниран како уметничка форма, литература изразена во стихови.

Во Антиката, Сократ ја дал следнава дефиниција: поетот е нешто лесно, крилато и свето - толкувач на божествата.

Поезијата е посебна уметност, поетот со мал број на зборови подредени во стихови прави творби. Нејзината моќ е да ја изрази најубавата форма на јазикот.

Гордана Димовска