ВЕЗ

Силно светат, паѓаат

Тивко, нежно

Да не ја вознемират

И прекинат таа нишка,

Ја осветлуваат твојата вредна рака

Конци црвени, црни

И ред други бои

Ти не знаеш за мака

Продолжуваш да везеш

Твоето срце полно со љубов

Кој би можел тебе да не те сака?

Изнареди бои и зборови силни

Еве при крај си со оваа везба

Не заборави да ставиш и извезеш

Зборови со најубава црвена боја

Еве ја испиша и желбата твоја:

Вечно да се слави името твое

За тебе земјо љубов гори

Голема и силна

Како илинденски оган.

Од срцата на милиони

Македонци, мажи, жени, деца

Во родината но и во светот

Споменот на Филип, Александар

На нашите борци, поети

Твоето име најсилно свети.

Таа убост твоја со ничија не е рамна

Извезе знаме, за Гоце, за Даме

За Филип и Александар

Песна исконска, заветна

За Македонија наша ВЕЧНА.

Aвтор: Гордана Димовска